![Hamrokhotang](https://hamrokhotang.com/wp-content/uploads/2020/04/Hamrokhotang-696x418.jpg)
फागुन–४, खोटाङ बस व्यवसायी संघले आफ्नै प्रतिबद्धता बिपरीत दिक्तेल–जयराम सडकखण्डमा सञ्चालित यात्रुबाहक बस नियमबिपरित बसको सिट क्षमताभन्दा बढि यात्रु ओसार पसार गरिरहेको छ ।
तीन महिनाअघि मात्र बसमा क्षमताभन्दा बढि यात्रु ओसार पसार नगर्ने निमय लागू गरेको संघले हाल आफ्नै नियम मिचेर यात्रु ओसार पसार गरिरहेको छ । हिजोआज दैनिक जयराम–दिक्तेल आवतजावत गर्ने बसको सिटभन्दा बाहेकका ठाउँमा उभाएर र हुटमा राखेर यात्रुलाई ओसार पसार गर्ने काम भइरहेको यात्रुहरुले गुनासो गरेका छन् । तर क्षमताभन्दा बढि यात्रु नराखिएको खोटाङ बस व्यवसायी संघका सदस्य नयनकुमार राईले दाबी गर्नु भयो । बसमा उभ्याइएका यात्रुहरु लोकल यात्रु भएको राईले बताउनु भयो ।