असोज-१८, राजनीतिक विश्लेषक तथा अर्थविद्का रुपमा परिचित खोटाङका हरि रोकाको यस पटकको निर्वाचनमा नाम हटेको छ ।
अघिल्लो निर्वाचनमा स्वतन्त्र उम्मेदवारका रुपमा उनले खोटाङ क्षेत्र नम्बर १, २ बाटै उम्मेदवारी दिएका थिए । तर, पछि भने फिर्ता लिन पुगेका थिए ।
उक्त निर्वाचनमा आफ्नो उम्मेदवारी फिर्ता लिएपनि राष्ट्रिय तथा अन्तर्राष्ट्रिय रुपमा परिचितलाई मनोनयन गर्ने १६ जना मध्ये रोकालाई पनि एमाओवादीले मनोनयन गरेर सभाषद बनाएको थियो । पछि उनलाई एमाओवादीले केन्द्रीय सदस्य समेत बनाएको थियो ।
उम्मेदवार नबनाइएको बारे आफैंले चासो नदिएकोले सिफारिसमा नपरेको बताउँछन् । ‘केन्द्रीय कमिटीमा पनि मलाई नराख्नुस् म बाहिरबाटै सहयोग गर्छु भनेको थिए, उहाँहरुले नै राख्नुभएको ‘उनको भनाई छ, ‘उम्मेदवारी सिफारिसमा पनि मैले चासो नै देखाइन् जबरजस्ती त राख्ने कुरो पनि नि भएन ‘
उनलाई एमाओवादीले समानुपातिकमा राख्ने या नराख्ने भन्ने विषयमा भने केही खुलेको छैन । तर राज्य कमिटीले भने उनको नाम लिएको छैन ।



Loading Facebook Comments ...

LEAVE A REPLY

Please enter your comment!
Please enter your name here