जेष्ठ–७, ट्याक्टर दुर्घटनामा खोटाङमा एक युवा गम्भिर घाईते भएका छन् । जिल्लाको चिसापानी बजारबाट सामान लिएर वाचिपालातर्फ जाँदै गरेको को १ त ४२४५ नम्बरको ट्याक्टर पल्टिँदा चिसापानी–८ का २२ वर्षीय लोकचन्द्र राई गम्भीर घाइते भएका हुन् । दुबै खुट्टामा गहिरो चोट लागेका घाइते राईलाई प्राथमिक स्वास्थ केन्द्र चिसापानीमा उपचार हुन नसेपछि चार्टर गरिएको हेलीकोप्टर मार्फत राजधानी काठमाण्डौं लगिएको छ ।
ट्याक्टरका चालक तेह्रथुम हमरजुङ–८ का २१ बर्षीय प्रकास बस्नेतलाई नियन्त्रणमा लिइएको ईलाका प्रहरी कार्यालय चिसापानीका प्रहरी नायव निरीक्षक मकेन्द्र मिस्रले बताउनु भयो ।