दिक्तेलमा मसाल जुलुस प्रदर्शनसहित बन्दको आह्वान

आदिवासी जनजाति, मधेसी, महिला, शिल्पी समुदाय, अल्पसंख्यक, सीमान्तकृत, खस लगायतको अस्तिŒव नामेट हुने गरी संविधान बनाउन लागेकाले त्यसको विरोधमा मसाल जुलुस तथा आइतबार र सोमबार जिल्ला बन्दको आह्वान गरिएको संघीय समाजवादी फोरम नेपालका जिल्ला अध्यक्ष सूर्यबहादुर राईले बताउनुभयो । मसाल जुलुस सदरमुकाम दिक्तेलको रत्नपार्कबाट सुरु गरी बजार परिक्रमा गर्दै हाटडाँडामा पुगेर कोणसभामा परिणत भएको थियो । 

बन्दकर्ताले यातायात, शैक्षिक संस्था, कलकारखाना, पसल, उद्योग लगायत बन्द गर्न सबैसँग आह्वान गरेको छ । शनिबार संयुक्त विज्ञप्ती जारी गर्दै यस्तो आव्हान गरेको हो ।