फागुन–७, दैबीप्रकोपमा परेका सर्वसाधारणको उद्धार गर्नकालागि खोटाङमा पाँच मुरी अन्न तथा नगद दुई हजार संकलन भएको छ ।
दैवीप्रकोप पिडित सर्वसाधारणको उद्धारकालागि बाँझेच्यानडाँडास्थित चण्डेश्वरी निमाविका जुनियर रेडक्रस सर्कलले पाँच मुरी अन्न तथा नगद दुई हजार संकलन गरेको हो ।
बाढी, पहिरो, भूकम्प लगायतका दैबी प्रकोपमा परेका सर्वसाधारणहरुको उद्धार र सहयोगकालागि सर्कलमा आवद्ध विद्यार्थीहरुले मुठीदान, माना दान, पाथी दान र नगद दान संकलन अभियानबाट पाँच मुरी अन्न तथा नगद दुई हजार जम्मा गरेको जुनियर रेडक्रस सर्कलका शिक्षक नायक जीवन बास्तोलाले जानकारी दिनुभयो ।‘प्रकोप पुर्व तयारी, हाम्रो जिम्मेवारी’ भन्ने नाराकासाथ सर्कलमा आवद्ध शिक्षक तथा विद्यार्थीको टोलीले विद्यालय सेवा क्षेत्रभित्रका अबिभाबकका घर–घरमा पुगेर मुठी दान संकलन गरेको हो । राहत जगेडा गर्नकालागि संकलन गरिएको अन्न तथा नगद दानलाई सर्कलको कोषमा राखिएको विद्यालयले जनाएको छ ।