साउन–१२, खोटाङको खिदिमामा ग्रामिण सडक निर्माण गरेसँगै स्थानीयबासी हर्षित भएका छन् ।
खिदिमा–४ रानी भञ्ज्याङदेखि ढाँडे जन्तरे आहाल जोड्ने ग्रामिण सडक निर्माण गरिएको हो ।
गाविसको ४५ लाख १२ हजार ८ सय १०, स्थानीय विकास मन्त्रालयको अनुदान ९ लाख र जिल्ला विकास समितिको १ लाखको लागतमा ग्रामिण सडक बिस्तार गरिएको हो । स्क्याभेटरको प्रयोग गरी तीन वर्ष लगाएर सडक निर्माण गरिएको सडक निर्माण उपभोक्ता समितिका सल्लाहकार लोकप्रसाद राईले बताउनुभयो ।
सडक बिस्तारसँगै यातायात सेवा सञ्चालन भएपछि स्थानीयबासी हर्षित भएका छन् भने, आफूले उत्पादन गरेका अन्नबाली निर्यात गर्न पाउने आशामा समेत बसेका छन् ।