भदौ–१४, आगामी भदौ–२२ गते लफ्याङको श्रीमावि बाँसबोटेमा हुने २० औं जिल्ला सम्मेलनको तयारीका लागि भन्दै अनेरास्ववियु खोटाङले आफ्नो संगठन बिस्तारलाई तिब्रता दिएको छ । 
‘सामाजिक एकता शान्ति र संघीय लोकतान्त्रिक गणतन्त्रको संस्थागत विकासका लागि नयाँ संविधान, व्यवहारिक र वैज्ञानिक शिक्षाका लागि २०औं जिल्ला सम्मेलन’ भन्ने नाराका साथ सम्पन्न हुन लागेको सम्मेलनका लागि जिल्लाको उत्तरी गाविस बास्पानीस्थित राष्ट्रिय मावि बास्पानी र खार्ताम्छास्थित शुक्रजित मावि खार्ताम्छामा आफ्नो संगठन बिस्तार गरेको छ । 
राष्ट्रिय मावि बास्पानीमा भिषण खड्काको अध्यक्षतामा ४९ सदस्यीय र शुक्रजित मावि खार्ताम्छामा सुवास राईको अध्यक्षतामा २३ सदस्यीय प्रारम्भिक समिति गठन गरेको हो । जिल्ला सचिव खेमराज देउसाली र सदस्य भुवन राईको उपस्थितिमा प्रारम्भिक समिति निर्माण गरिएको अनेरास्ववियुले जनाएको छ ।



Loading Facebook Comments ...

LEAVE A REPLY

Please enter your comment!
Please enter your name here