असोज-२१, जीप दुर्घटना हुँदा खोटाङमा एकै परिवारका तीन सहित चार जना घाइते भएका छन् ।
जयराममा रोकेर राखिएको को १ च ६०३६ नम्बरको जीप अकस्मात गुड्दा भएको दुर्घटनामा दिक्तेल ६ खगेन्द्र थापा, श्रीमती कल्पना, छोरा समीर र भतिजी प्रशंसा घाइते भएका प्रहरीले जनाएको छ ।
सोमबार जयरामबाट हलेसीतर्फ आउने क्रममा ओट नलगाई रोकेका कारण जीप गुडेर पल्टिएको खोटाङका प्रहरी प्रमुख गोबिन्द शाहले बताउनुभयो ।
घाइतेहरुलाई उपचारका लागि हेलिकोप्टर मार्फत काठमाडौ लगिएको छ । उनीहरुको शिक्षण अस्पतालमा उपचार भइरहेको आफन्तले बताएका छन् । घाइतेमध्ये कल्पनाको अवस्था गम्भीर छ ।