माघ–८, खोटाङमा एक वृद्धको बेवारिसे शव फेला परेको छ । जिल्लाको उत्तरी क्षेत्रमा पर्ने रावाखोलामा डुम्रेधारापानी–३ का ५५ वर्षीय ददीराम ठटालको शव बेवारिसे अवस्थामा फेला परेको हो ।
माघ ३ गते धरान जाने भनेर हिडेका उनको शव रावाखोलामा डुबिरहेको अवस्थामा सोमबार फेला परेको जिल्ला प्रहरी कार्यालय खोटाङका प्रहरी निरीक्षक दुर्गा रेग्मीले जानकारी दिनुभयो । उहाँका अनुसार ठटालको शव पोष्टमार्टमका लागि जिल्ला अस्पताल ल्याइएको छ ।
उनको मृत्युबारे अनुसन्धान भइरहेको रेग्मीको भनाइ छ । यसका लागि प्रहरी परिचालन गरिएको छ ।