दर्शन गरेर घर फर्कनेक्रममा शुक्रबार बिहान करिब सात बजेको समयमा दुर्घटना हुँदा कमलाकी श्रीमान ७३ वर्षीय लोकबहादुर बस्नेत, सोही स्थानका २८ वर्षीय सन्देश खत्री र २५ वर्षीया सुजा खत्री, इटहरी–५ की ५२ वर्षीया लक्ष्मी परियार, ३५ वर्षीया रमा खड्का, २५ वर्षीया सुनिता श्रेष्ठ र धरान–१५ की जानुका निरौला घाइते भएका छन् । घाइतेमध्ये कमलाको श्रीमान लोकबहादुर बस्नेतको अवस्था चिन्ताजनक रहेको जिल्ला प्रहरी कार्यालय खोटाङका प्रहरी नायव उपरीक्षक गोबिन्दकुमार साहले बताउनुभयो ।
घाइतेहरुको स्थानीय स्वास्थ्य संस्थामा उपचार हुन नसकेपछि थप उपचारका लागि धरान पठाइएको प्रहरीले जनाएको छ । सडक माथिबाट खसेको पहिरोमा जीप क्रस गराउन खोज्दा अनियन्त्रित भइ दुर्घटना भएको हुन सक्ने च्यास्मिटार प्रहरी चौकीका प्रहरी सहायक निरीक्षक सत्तुरधन राउतले बताउनुभयो । उहाँका अनुसार जीप चालकलाई नियन्त्रणमा लिएर अनुसन्धान भइरहेको छ । उनको समेत टाउकोमा चोट लागेको जनाइएको छ ।
अन्य दुई जनाको अवस्था भने, समान्य रहेको प्रहरीले जनाएको छ । नौं जना सवार रहेको जीप सडकबाट झण्डै ६० फिट तल खसेको थियो ।