असार–२१, स्थानीयको सुन लुटेको आरोपमा खोटाङमा तीन युवा हतियारसहित पक्राउ परेका छन् । मुखमा पट्टी बाँधेर रतन्छा–३ का मनसेर राईको सुनको सिक्री लुटेको आरोपमा रतन्छाकै बिपिन राई, बाम्राङका युवक राई र दिक्तेल सोल्माका सुवर्ण राई धारिलो हतियारसहित पक्राउ परेका हुन् ।
फक्राउ परेका तीनैजनालाई हिरासतमा राखेर अनुसन्धान थालिएको खोटाङका प्रहरी नायब उपरिक्षक गोबिन्दकुमार साहले बताउनुभयो । उहाँका अनुसार घटनापछि फरार रहेका अन्य दुई जनाको पनि पहिचान भइसकेको छ ।
उनीहरुमाथि मुखमा पट्टी बाँधेर गत असार १७ गते राती घाँटीमा लगाइरहेको सुनको सिक्री लुटेको आरोप छ । पक्राउ परेकाहरुसँग अनुसन्धान भइरहेको प्रहरीले जनाएको छ ।