भदौ–१४ । जिल्लाको उत्तरी गाविस फेदी–६ स्थित रमिते भन्ने ठाउँमा बेवारिसे महिलाको शव फेला परेको छ । अन्दाजी ३५ वर्षीया मधेसी मुलका महिलाको शव शुत्रबार फेला परेको हो ।
उनको शव स्थानीय राजनीतिक र प्रहरीको रोहबरमा गाविसलाई जिम्मा लगाइएको प्रहरीले जनाएको छ । मृत महिलाको शव बाटोमुनी लडिरहेको अवस्थामा स्थानीयले देखेपछि प्रहरीलाई खबर गरेका थिए ।
स्थानीयका अनुसार उनी केहीदिनदेखि सो क्षेत्रमा डुलीरहेको भेटिन्थिन् । उनी मानसिक सन्तुलन गुमाएको महिला हुन सक्ने प्रहरीको अनुमान छ ।