भदौ–२२, ट्रक दुर्घटनामापरी खोटाङमा एक जनाको ज्यान गएको छ भने, एक जना गम्भिर घाइते भएका छन् । सामान लिएर दिक्तेलतर्फ आउँदै गरेको ट्रक बाहुनीडाँडा–५ मा अनियन्त्रित भइ दुर्घटना हुँदा मात्तिम–७ का ३५ वर्षीय अमित न्यौपानेको घटनास्थलमै ज्यान गएको हो ट्रकका सहचालक गगन नेपाली गम्भिर घाइते भएका हुन् ।
गम्भिर घाइते नेपालीको टाउकोमा गहिरो चोट लागेको प्रहरीले जनाएको छ । गम्भिर घाइते नेपालीको उदयपुरस्थित कटारीमा उपचार भइरहेको जनाइएको छ । जयरामघाटबाट सामान लिएर सदरमुकाम दिक्तेल आउँदै गरेको बा ३ ख ९४९ नम्बरको ट्रक अनियन्त्रि भइ आइतबार बिहान दुर्घटना भएको जिल्ला प्रहरी कार्यालय खोटाङका प्रहरी नायव उपरीक्षक विनोद खरेलले जानकारी दिनुभयो । उहाँले भन्नुभयो, ‘पेय पदार्थले भरिएको ट्रक अनियन्त्रित भइ सडकबाट करिब दुई सय मिटर तल खसेको छ ।’
मृतकको शव पोष्टमार्टमका लागि जिल्ला अस्पताल खोटाङ ल्याइएको छ भने, ट्रक चालक सन्तोष रामदामलाई प्रहरीले नियन्त्रणमा लिएको छ । ट्रकमा ढुवानी गरिएको पेय पदार्थ मृतक न्यौपानेको रहेको प्रहरीले जनाएको छ । न्यौपाने जिल्लाका विभिन्न ठाउँमा सामान ढुवानी गर्ने काम गर्दै आएका थिए ।