कात्तिक–१२, सोल्मा स्पोर्टस क्लव दिक्तेल सोल्मालाई एक विदेशी नागरिकले फुटबल पोशाक उपलब्ध गराएको छ । ब्रिटेन नागरिक विन्डी ब्लिवीटले क्लबलाई १२ थान फुटबल पोशाक उपलब्ध गराउनुभएको हो ।
गोर्खा वेलफेयर सेन्टर दिक्तेलको पहलमा क्लवलाई फुटबल पोशाक प्राप्त भएको क्लवका अध्यक्ष ध्रुवबिक्रम राईले जानकारी दिनुभयो । राईले भन्नुभयो, ‘उहाँले उपलब्ध गराउनुभएको पोशाकले क्लवलाई ठूलो सहयोग पुगेको छ ।’
गोर्खा वेलफेयर सेन्टरका फिल्ड डाइरेक्टर क्याप्टेन बिल विल्डकी श्रीमती विन्डी ब्लिवीटले उपलब्ध गराउनुभएको पोशाक बुधबार एक कार्यक्रमकाबीच क्लवलाई हस्तान्तरण गरिएको छ । सदरमुकाम दिक्तेलस्थित माटीकोरे खेल मैदानमा भएको कार्यक्रममा गोर्खा वेलफेयर सेन्टर दिक्तेलका प्रमुख हर्कराज राईले उक्त पोशाक क्लवलाई हस्तान्तरण गर्नुभएको क्लवका सदस्य पवन राईले जानकारी दिनुभयो ।