माघ-१, ‘भ्वइस अफ खोटाङ’को तेश्रो अडिसनका लागि ५७ प्रतियोगी प्रतिभा छानिएका छन् । आगामी पुस–११, १२ र १३ गते सदरमुकाम दिक्तेलमा आयोजन गरिने तेश्रो अडिसनका लागि गायनका ५७ जना प्रतिभा छनौट भएको ‘भ्वइस अफ खोटाङ’ आयोजक समितिका संयोजक दिपक ठटालले बताउनु भयो । गाउँ–गाउँमा लुकेर रहेका गायनका प्रतिभाहरुको पहिचान, संबर्धन र बिकास गर्ने उद्धेश्यकासाथ आयोजना गरिएको ‘भ्वइस अफ खोटाङ–२०७१’को दोश्रो अडिसनमा सहभागी १६५ जनामध्येबाट ५७ जनाले तेश्रो अडिसनका लागि प्रबेश कार्ड पाएका हुन् । पुस–२४ गते सुरु ‘भ्वइस अफ खोटाङ’को दोश्रो अडिसन बुधबार सम्पन्न भएको थियो । 
‘समतामुलक समाज निर्माणका लागि सांगीतिक अभियान’ भन्ने नाराका साथ नेपाल राष्ट्रिय दलित समाज कल्याण संघ खोटाङको आयोजनामा ‘भ्वइस अफ खोटाङ’को आयोजना गरिएको हो । तेश्रो अडिसनबाट ४० जना, चौथो अडिसनबाट २० जना र पाँचौं अडिसनबाट १० जना छानेर प्रतिष्पर्धा गराइने ‘भ्वइस अफ खोटाङ’ आयोजक समितिका सचिव मिलन चाहारले बताउनु भयो । पाँचौं अडिसनबाट छानिएका टप टेनबीचमा प्रतिष्पर्धा गराएपछि प्रथम, दोश्रो र तेश्रो प्रतिभाको टुंगो लगाइने आयोजकले जनाएको छ । ‘पाँचौं चरणसम्म अडिसन गराएर दश जनालाई छान्ने छौँ,’ संयोजक ठटालले भन्नुभयो, ‘पुःन दश जनाबीचमा प्रतिष्पर्धा गराएर उत्कृष्ट प्रतिभाहरु छानिने छन् ।’ 
दिक्तेलमा आयोजना गरिएको ‘भ्वइस अफ खोटाङ’को दोश्रो अडिसनमा गीत गाउँदै प्रतियोगी । 
‘भ्वइस अफ खोटाङ’को फाइनल अडिसनबाट छनौट गरिने स्वरका प्रथम, दोश्रो र तेश्रो बिजेतालाई नगद पुरस्कारका साथमा संगीत विद्यालयमा अध्यायन गर्ने र चलचित्रमा गीत गाउने अवशर समेत दिइने आयोजकले बताएको छ । । ‘गाउँ–गाउँमा लुकेर रहेका गायनका प्रतिभालाई उजागर गर्दै अवशर दिने हाम्रो मूख्य उद्धेश्य हो,’ ठटालले भने, ‘अवशर नपाइरहेका प्रतिभाको सफलताका लागि सही तरिका र सही समय सिर्जना गर्नु हामीले हाम्रो दायित्व सम्झेका छौँ ।’ 
बाक्सिला, ऐसेलुखर्क, लामीडाँडा, हलेसी, बुईपा, खोटाङबजार, दिक्तेल लगायत जिल्लाका मुख्या–मूख्या ९ केन्द्रमा सञ्चालन गरिएको पहिलो अडिसनमा सहभागी ७ सय प्रतिभामध्ये १६५ जना प्रतिभा दोश्रो अडिसनका लागि छनौट भएका थिए । बाक्सिलाबाट गत मंसिर–२४ गते सुरु गरिएको ‘भ्वइस अफ खोटाङ’को पहिलो अडिसन पुस–१८ गते शुक्रबार राती सदरमुकाम दिक्तेलमा आएर सम्पन्न भएको थियो ।