हराईरहेका शिवराम
काठमाडौं २ भदौं । उपचारका लागि काठमाडौं ल्याइएका खोटाङका एक १६ वर्षिया नाबालक विगत ११ दिनदेखि हराईरहेका छन् । लामो समय खोजि कार्य गर्दा पनि नभेटिएपछि उनको परिवारमा भने थप समस्या थपिएको छ । उनका परिवारले सहयोगका लागि अपिल समेत गरेका छन् ।
खोटाङ साकेला गाउँपालिका वडा नम्बर १, साबिकको च्यानडाँडा वडा नम्बर २ का शिवराम गुरुङ झण्डै दुई सातादेखि काठमाडौंको पुरानो बानेश्वर नजिकैबाट हराएका हुन् । अन्दाजी ४.५ फिट उचाई भएको सेतो भेष्ट र कालो ट्रयाक लगाएका उनी २१ साउनमा काठमाडौंको पुरानो बानेश्वर (भिमसेनगोला) बाट हराएको उनको परिवारले जनाएको छ ।
सामान्य मानसिक समस्याको बिरामी समेत रहेकाले उपचारका क्रममा काठमाडौंमा भएको बेला उनी हराएको उनका दाजु बलराम गुरुङले जानकारी दिए ।
विभिन्न ठाउँमा खोजी कार्य गर्दा समेत फेला नपरेपछि परिवारले गौशाला प्रहरी प्रभागमा निवेदन दिएपनि हालसम्म नभेटिएको भन्दै कसैले देखे भेटेमा नजिकको प्रहरी कार्यालयमा जानकारी गराईदिन हुन उनको परिवारले आग्रह गरेको छ । उनको परिवारले शिवरामलाई भेटेमा ९८१५७२४१८४ वा ९८६१८६५७१६ मा खबर गरिदिन पनि आग्रह गरेको छ ।
हराईरहेका शिवराम