खोटाङ जेठ–५, खोटाङको ऐसेलुखर्क गाउँपालिकाका एक कोरोना संक्रमित परिवारले थप उपचारका लागि काठमाण्डौं जान ३ लाख २० हजार रुपैंयाँमा हेलीकोप्टर चार्टर गर्न बाध्य बनेको छ । उक्त परिवारका तीन सदस्यमा कोरोना पुष्टी भएपछि सडक यातायातका साधन पाउन असहज तथा सुलभ भाडामा हेलिकोप्टर नपाएपछि परिवारले महंगो भाडा तिर्न बाध्य बनेको हो ।

संक्रमण पुष्टी भएका तीनमध्ये एक पुरुषलाई प्रेसरको समेत समस्या देखिएपछि प्राथमिक स्वास्थ्य केन्द्र ऐसेलुखर्कले रेफर गरे लगत्तै उनीहरुलाई महंगो भाडा तिरेर बुधबार काठ्माण्डौं लगिएको हो । संक्रमण पूष्टी भएका सोही परिवारका ७८ वर्षीय बृद्दको भने जेठ १ गते निधन भएको थियो ।

संक्रमितको स्वास्थ्य अवस्था सामान्य नै भए पनि पुरुषलाई भने प्रेसरको समस्या पनि देखिएकाले अस्पताल नै जाने सल्लाह अनुसार थप उपचारका लागि काठमाण्डौं गएको गाउँपालिका अध्यक्ष बिश्वनाथ निरौलाले बताउनुभयो । उनीहरुलाई गत बैसाख ३१ गते कोभिड–१९ को संक्रमण पूष्टि भएको थियो । अध्यक्ष निरौलाका अनुसार संक्रमितलाई बोक्ने हेलीकोप्टर पाउन मुस्किल भएको थियो ।

उक्त गाउँपालिकामा हालसम्म ३१ जनाको एन्टीजेन परीक्षण गर्दा १६ जनालाई संक्रमण पुष्टि भइसकेको छ । संक्रमितसँगको सम्पर्कमा पुगेका ८१ जनाको पिसिआर परीक्षणका लागि बुधबार नमूना संकलन गरेर काठ्माण्डौं पठाइएको स्वास्थ्य शाखाले जनाएको छ ।।



Loading Facebook Comments ...

LEAVE A REPLY

Please enter your comment!
Please enter your name here