खोटाङ माघ–७, आमाको निधनपछि कपाल मुण्डन गरेर किरियापुत्री बस्नुभएकी प्रदेशसभा सदस्य उषाकला राईले आफ्नी आमाको नाममा १० लाख रुपैंयाँको अक्षयकोष स्थापना गर्ने घोषणा गर्नुभएको छ । ७५ वर्षको उमेरमा आमा लक्ष्मी राईको गत पुस २५ गते निधन भएपछि कपाल खौरिएर किरियापुत्री वस्नुभएकी प्रदेशसभा सदस्य राईले शिक्षाका क्षेत्रमा उपयोग गर्नेगरी अक्षयकोष स्थापनाको घोषणा गर्नुभएको हो ।
मृतक आमाको १३ औं पुण्यतिथिको अवशरमा सोमबार आयोजित श्रद्धाञ्जली कार्यक्रममा आमा लक्ष्मीको स्मृतिमा प्रतिष्ठान बनाएर हरेक वर्ष गरीब तथा असहाय बालबालिकाको शैक्षिक उन्नतीका लागि सहयोग गर्ने वताईएको छ । काठमाण्डौंमा ५ दिन काजकिरियामा बस्नुभएकी उषाकलाले जन्मथलो दिक्तेल रुपाकोट मझुवागढी नगरपालिका–४ खाल्लेमा आएर ७ दिन किरियामा बसेर आमाको काजकिरिया पूरा गर्नुभएको हो । ग्राण्डी अस्पतालमा उपचारका क्रममा आमा लक्ष्मीको निधन भएपछि उषाकला कपाल मुण्डन गरेर १३ दिनका लागि आमाको काजकिरियामा बस्नुभएको हो । आगामी माघ १५ गते वैद्धिक परम्परा अनुशार काठ्माण्डौंमा पूजा तथा ४५ औं पुण्यतिथिमा काठ्माण्डौंमै श्रद्धाञ्जलीसभा गरिने पारिवारिक श्रोतले बताएको छ ।
२००१ साल कात्तिक ७ गते जन्मिएकी लक्ष्मी काठ्माण्डौंमा छोरी उषाकला र र ज्वाई शेरबहादुर तामाङ (पुर्व कानूनमन्त्री)सँग बस्दै आउनुभएको थियो । दाजुभाई नभएकी उषाकला छोराले मात्र किरियापुत्री बस्ने प्रचलनका बिरुद्ध आफै किरियापुत्री बस्नुभएको थियो । सासुको किरियाका लागि ज्वाँई शेरबहादुर पनि खाल्लेमै आउनुभएको छ
