असार–१५, रुपाकोट मझुवागढी नगरपालिका वडा नम्बर–११ मा १७ मतको अन्तरले नेपाली कांग्रेसका उम्मेदवार रामचन्द्र राई वडा अध्यक्षमा बिजयी हुनुभएको छ ।
नेकपा माओबादी केन्द्रका तर्फबाट वडा अध्यक्षका उम्मेदवार सुरेश तामाङ सहितको प्यानललाई १७ मतले पछि पार्दै कांग्रेस बिजयी बनेको हो ।
१९ सय ८९ मतदातामध्ये १३ सय ४९ मत खसेको खार्मीमा ३ सय ३४ मत ल्याउँदै कांग्रेसले जीत हात पारेको हो । माओबादी केन्द्रले ३ सय १७, एमालेका हर्कराज राईले ३ सय र संघीय समाजबादी फोरम नेपाल र नयाँ शक्तिका संयुक्त उम्मेदवार देबकुमार राईले २ सय ३३ मत प्राप्त गरेका थिए । अन्य मत बदर भएका थिए ।