खोटाङ, मंसिर १२ । खोटाङमा सुस्त मनोस्थितिकी महिलालाई बलात्कार गर्ने हौंचुर–४ का २० वर्षीय शेखरबहादुर नेपाल ‘शंकर’ जेल चलान भएका छन् ।
सुस्त मनोस्थितिकी १८ वर्षीय युवती बलात्कारमा संलग्न भएकोमा नेपाललाई जिल्ला अदालतको आदेशमा जेल चलान गरिएको प्रहरीले जनाएको छ ।
गत कार्तिक–१५ गते राती घरमा सुतीरहेकी युवतीलाई जबरजस्ती करणी गरेको उजुरी परेपछि नेपाललाई पक्राउ गरेर अनुसन्धान अघि बढाइएको जिल्ला प्रहरी कार्यालय खोटाङका प्रहरी नायब उपरिक्षाक विद्यानन्द माझीले बताउनुभयो ।