बैशमा अल्लारे जोवन खेलाउँदै गरेको समयलजाउदै मुसुक्क हासेर, गालामा गुराँसे लाली छरेर
यो बाटो कहाँ जान्छ ?
यो प्रश्न, तिमीले सोधेको भए
अत्यन्त भावुक भएर जवाफ दिने थिए
सिधै मेरो दिलको मझरीमा पुग्छ ।
आन्दोलनमा जोसका साथ नारा लगाउदै गर्दाको समय
जोसका साथ मुठी उठाएर भित्रै देखि दृढ भएर
यो बाटो कहाँ जान्छ ?
यो प्रश्न तिमीले सोधेको भए
पुराका पूरा विश्वासका साथ भन्ने थिए
सिधै मानव मुक्तिको उज्यालोमा पुग्छ।
र ऐले तिमिले
यहीँ प्रश्न सोध्यौ भने
मेरो जवाफ के होला ?
तिमी आफै अन्दाज गर न है !
कवि टंक राई नेकपा माओवादी केन्द्रका सचिवालय सदस्य हुनुहुन्छ ।