कात्तिक–३ । सामान लिएर दिक्तेलतर्फ आउँदै गरेको ट्रक दुर्घटना हुँदा लाखौंको क्षति भएको छ । जयरामघाटबाट खुद्रा सामान लिएर आउँदै गरेको बा १ क ८८२६ नम्बरको ट्रक दुर्घटना हुँदा लाखौंको क्षति भएको हो ।
सदरमुकाम दिक्तेलस्थित राजु श्रेष्ठको सामान लिएर आउँदै गरेको ट्रक सोमबार दिउँसो नुनथला–१ मा दुर्घटना भएको प्रहरीले जनाएको छ । ब्रेक फेल भएर दुर्घटना भएको ट्रक सडकदेखि करिब २० मिटर तल खसेको स्थानीयले जनाएको छ ।
दैनिक उपभोग्य वस्तुले भरिएको ट्रक तथा सामाग्री क्षतविच्छेद भएको प्रहरीले जनाएको छ । ट्रकका चालक नविन राई सकुशल रहेको जनाइएको छ ।