पाँच दिनपछि राहत बितरण सुरु (फोटो फिचर)

बैशाख–१६, खोटाङका भूकम्प पिडितलाई राहत बितरण सुरु गरिएको छ । भूकम्पका कारण बिस्थापित भएको पाँच दिनपछि उनीहरुलाई पाल, कम्बल र राहत रकम वितरण सुरु गरिएको हो । 

जिल्ला दैवीप्रकोप उद्धार समितिले बुधबार नुनथलामा पुगेर राहत वितरण सुरु गरेको छ । भूकम्प पिडितलाई ‘क’ र ‘ख’ बर्गमा बर्गीकरण गरेर ‘क’ बर्गकालाई नगद पाँच हजार र  ‘ख’ बर्गका पिडितलाई नगद तीन हजारका साथमा पाल र कम्बल वितरण सुरु गरिएको समितिका संयोजक एबं प्रमुख जिल्ला अधिकारी गोबिन्द सापकोटाले बताउनु भयो । नेपाल रेडक्रस, बाणिज्य संघ, गैससमहासंघ, यातायात व्यवसायी संघ, सुरक्षा निकाय, राजनैतिक दल लगायतको समन्वयमा राहत वितरण सुरु गरिएको हो । 

नेपाली सेनाले खार्पा र ऐसेलुखर्क क्षेत्रमा पनि राहत वितरण गरिरहेको छ । समितिका अनुशार हालसम्म खोटाङका ६९८ घरका ४ हजार १७५ सर्वसाधारण बिस्थापित भएको जानकारी आएको छ । भूकम्पको क्षतीको बिबरण आउनेक्रम जारी छ । 

तस्बिरः हाम्रो खोटाङ डटकम