खोटाङ, बैसाख १७ । भूकम्प पिडितलाई खोटाङको नुनथलाका एक स्थानीयले आर्थिक सहयोग गरेका छन् ।
नुनथला घर भइ लामो समयदेखि ताप्लेजुङमा व्यवसाय सञ्चालन गर्दैआएका पदमबहादुर राईले भूकम्प पिडितको सहयोगार्थ नगद पाँच हजार सहयोग प्रदान गरेका हुन् । भूकम्पले घर भत्किएर अलपत्र बनेका भूकम्प पिडितको सहयोगार्थ सहयोग रकम प्रदान गरेको राईले बताए ।
उनले भूकम्प पिडितलाई प्रदान गर्नेगरी नेपाल रेडक्रस सोसाइटी उपशाखा नुनथलालाई रकम प्रदान हस्तान्तरण गरेका छन् । प्राप्त सहयोग रकम गाबिसका भूकम्प पिडितलाई प्रदान गरिने स्थानीयबासी एबं एमाओबादीका जिल्ला सचिव सुरेश राईले जानकारी दिए ।