होलेसुङ–जनकराज राई मार्ग बनेपछिको खुसीयाली (फोटो फिचर)

सडक निर्माणकालागि जनकराज राईले १५ लाख ५४ हजार २३७, दयन्द्रकुमार राईले ३ लाख चन्दा दिएका छन् । यसबाहेक गाबिस, जिबिस तथा गाबिसमा कार्यरत कर्मचारी, बिदेशी लाहुरे तथा बिदेशमा कार्यरत दुर्छिमका युवाले एक–एक महिनाको तलव दिएका छन् । दुर्छिमको छापडाँडास्थित बरभञ्ज्याङदेखि दुर्छिम–३ र ४ हुँदै सुनकोशी किनारको बतासेघाट पुग्ने ‘होलेसुङ–जनकमार्ग’ पूर्वी तराईदेखि पर्यटकीयस्थल हलेसी हुँदै सगरमाथा पुग्ने छोटो दुरीको ‘हाइ वे’ बन्ने निर्माण समितिका अध्यक्ष केवलनारायण राईले बताउनु भयो ।