काठमाडौं २५ माघ
नेकपा एमाले निकटको विद्यार्थी संगठन अखिल नेपाल राष्ट्रिय स्वतन्त्र विद्यार्थी (अनेरास्ववियु) का वोटाङ निबासी केन्द्रीय सदस्य मिलन राई बाइक दुर्घटनामा परी गम्भीर घाइते भएका छन् ।
काठमाडौंबाट सांगठनिक कामको सिलसिलामा मंगलबार बिहान खोटाङ जाने क्रममा भक्तपुरमा बाइक दुर्घटनामा परी मिलनलाई गम्भीर चोट लागेको छ । उनको टाउको र अनुहारमा चोट लागेको छ । हाल उनको थापाथलीस्थित न्यूरो हस्पिटलको आईसियू कक्षमा उपचार भईरहेको छ ।
चिकित्सकले उनको अप्रेशन गर्नुपर्ने या नपर्ने भन्नेबारे २४ घण्टापछि मात्रै थाहा हुने बताएका छन् । मंगलबार बाइक दुर्घटनामा घाइतेपछि मिलनले साँझ मात्र आफन्तसँग बोलेका थिए । उनको अवस्था सुधारोन्मुख रहेको हस्पिटलले जनाएको छ । मिलनसँगै पछाडी बस्ने अर्का व्यक्तिलाई भने सामान्य चोट मात्र लागेको छ ।
बिहानीपख रातको समयमा बाइक डिभाइडरमा ठोकिदाँ दुर्घटना हुन गएको बताइएको छ ।